Oleiros guapo 5 O noso pequeno paraíso Con esta publicación amosamos unha xestión desde o Concello amparada nunha planificación urbanística e unha grande protección medioambiental que fixo posible un desenvolvementosustentable, dotandooconcellodemúltiples espazos e equipamentos para o goce e a convivencia veciñal. Unha exemplar e honesta xestión do territorio foi a clave para conseguir infraestruturas e lugares de alta calidade urbana e poñelos a disposición da cidadanía. Lograr que todo o noso espazo costeiro, de 26 km, sexa de uso público; a protección de zonas húmidas e regatos e a ordenación de grandes áreas boscosas; a creación de sendas, paseos e alamedas que permiten a interconexión das parroquias e núcleos que a compoñen, converten Oleiros nun exemplo de bo facer. Castros, pazos e casas señoriais de gran beleza arquitectónica e alto interese histórico forman parte do amplo patrimonio municipal a disposición da veciñanza. Oleiros é un concello distinto, un soño colectivo no que veciñas e veciños teñen un innegable protagonismo. Un espazo agradable para vivir, dotado dunha gran beleza e múltiples instalacións para a convivencia e o deleite das persoas. Un pequeno paraíso. Ángel García Seoane Alcalde de Oleiros
RkJQdWJsaXNoZXIy MTEwNTI=